Нысан – бір қабатты, екі пәтерден тұратын (екі секциялы) жер үй типіндегі тұрғын үй. Әрбір тұрғын пәтерде 2 жатын бөлме, 1 хол, 1 кіші қонақ бөлме (малый зал), кіреберіс және жуынатын бөлме қарастырылған. Тұрғын үйдің эвакуациялау жолдарындағы есіктер ғимараттан шығу бағыты бойынша ашылады. Әр пәтерде тікелей сыртқа шығатын есік қарастырылған. Пәтер ішіндегі хол апаттық эвакуациялау жолы ретінде қызмет атқарады. Ғимаратта жертөле және балкон қарастырылмаған. Ғимараттың сыртқы қабырғалары мен шатыр конструкцияларында жылу беру коэффициенті төмен және жылу төзімділігі жоғары материалдар қолданылған. Шатыр жабынында ғимараттың жылу тұрақтылығын арттыру мақсатында тиімді жылу оқшаулағыш материалдар пайдаланылған. Ғимарат қабырғасының жер деңгейінен «нөл» белгісіне дейінгі сыртқы әрлеуі термопанельмен қапталмаған. Тұрғын үй-жайлардағы (қонақ бөлме, кіші қонақ бөлме, жатын бөлмелер, хол, кіреберіс) қабырғалар қалыңдығы 3,0 мм тегістейтін гипс қоспасымен тегістеліп, кейіннен ақ түсті су эмульсиялы бояумен боялған. Жуынатын бөлменің қабырғалары керамикалық плиткалармен қапталған. Тұрғын үй-жайлардағы едендерге линолеум төсеніштері қолданылған, ал жуынатын бөлмеде едендер керамикалық плиткалармен қапталған. Тұрғын пәтерлердің төбелері гипс қоспасымен тегістеліп, кейіннен ақ түсті су эмульсиялы бояумен сырланған.