Пайдалануға беру және өтініштерді қабылдау мерзімдері болжамды. Өзгерістер болуы мүмкін! Құрылысқа бөлінген жер учаскесі Петропавл қаласында Заводская көшесі, Жамбыл даңғылы, Крепостная және Әуезов көшелерімен шектелген аумақта орналасқан. Тұрғын үй ғимаратының класы – III. Тұрғын үй ғимараты үш кіреберісті, 9 қабатты, жертөлесі және техникалық қабаты бар, жоспардағы пішіні тікбұрышты. Шеткі осьтер бойынша өлшемдері – 83,10 × 15,95 м. 1–9-қабаттардағы үй-жайлардың биіктігі – 2,7 м, жертөле үй-жайларының биіктігі – 1,8 м, техникалық шатырдың биіктігі – 1,80 м. Ғимараттың жер деңгейінен сәндік элементтерінің жоғарғы бөлігіне дейінгі биіктігі – 33,42 м. Техникалық жертөле үй-жайлары жерүсті қабаттарынан оқшауланған және сыртқа шығатын дербес есіктермен қамтамасыз етілген. Пәтер саны – 105, оның ішінде: 1 бөлмелі – 3 пәтер; 2 бөлмелі – 48 пәтер; 3 бөлмелі – 51 пәтер; 4 бөлмелі – 3 пәтер. Әрбір баспалдақ алаңында тұрғын бөлмелерінің құрамы әртүрлі пәтерлер орналасқан. Барлық пәтерлерде жазғы үй-жайлар (лоджиялар) қарастырылған. 2, 3 және 4 бөлмелі пәтерлерде жуынатын бөлме мен дәретхана бөлек, ал 1 бөлмелі пәтерлерде санитариялық торап біріктірілген. Баспалдақ торлары табиғи жарықпен, тікелей сыртқа шығатын есіктермен және өртке қарсы люктер арқылы ғимараттың шатырына шығатын жолмен қамтамасыз етілген. Кіреберістерге кіретін есіктер тамбурлар арқылы жобаланған. Блок секциялардың кіреберістеріндегі қабаттар арасындағы тік байланыс баспалдақ торлары және жолаушылар лифтілері арқылы жүзеге асырылады. Лифт – жолаушылар лифті, жүк көтергіштігі 1000 кг. Ішкі әрлеу «қарапайым» санаты бойынша қабылданған: қабырғалары – сыланған, эмаль және суэмульсиялы бояумен боялған, глазурленген тақтайшамен қапталған; төбелері – құрғақ қоспалармен тегістелген, суэмульсиялы бояумен боялған, глазурленген тақтайшамен қапталған; едендері – линолеум, керамикалық тақтайша және бетон. Ас үй-жайларында электр плиталарын орнату қарастырылған.