Жобаланған тұрғын үй – 5 қабатты, 4 кіреберісті, 80 пәтерлі, бір, екі және үш бөлмелі пәтерлері бар, суық шатырлы және техникалық жертөлесі бар тұрғын үй. Тұрғын қабаттардағы бөлмелердің биіктігі – керме төбені ескере отырып 2,6 м. Суық жертөле қарастырылған. Тұрғын үйдің әрбір кіреберісі жүк көтергіштігі 1000 кг болатын жолаушылар лифтімен жабдықталған. Кабина өлшемі 1100х2100 мм, машина бөлімінсіз, лифт әр қабатта және ғимараттың кіреберіс деңгейінде тоқтайды. Жылыту жүйесі – әр пәтерге жеке орнатылатын, ас үйге қойылатын газбен жұмыс істейтін қабырға қазандығы арқылы жүзеге асырылады. Барлық пәтерлер тұрғын және қосалқы бөлмелердің ыңғайлы байланысы ескеріліп жобаланған. Пәтерге кіре берісте кең дәліз қарастырылған. Қонақ бөлмесі дәлізбен кең есік ойығы арқылы тікелей байланысқан. Ұйықтайтын бөлмелер пәтердің кіреберісінен алшақ орналасқан. Әр пәтерде ені 1,2 м болатын қабырға қалқасы бар балконға шығу көзделген. Санузелдер бөлек, жуынатын бөлмеде жуу машинасын орнатуға арналған орын қарастырылған. Ішкі қабырғалар тұсқағазбен әрленген.Еден төсемелері: тұрғын бөлмелер мен ас үйде – линолеум; санитарлық тораптарда – керамикалық плитка. Едендерде дыбыс оқшаулау үшін 30-40 мм қалыңдықтағы тығыздығы 100 минералды плита қолданылады. Кіреберістер мен жертөледегі сыртқы есіктер – металлдан жасалған, жылытылған, сәндік қаптамасы бар; Пәтерге кіретін ішкі есіктер – металл, жылытылған, сәндік қаптамамен; Бөлмелер арасындағы есіктер – МДФ-дан (ГОСТ 475-2016 бойынша) жасалған. Терезелер мен балкон есіктері – үш қабатты әйнегі бар, екі камералы шыныпакеттермен жабдықталған металлопластик, пластикалық терезе төсемелерімен.