Тоғыз қабатты 72 пәтерлі несиелік тұрғын үй. Жетісу облысы, Талдықорған қаласының қарқынды дамып келе жатқан оңтүстік-батыс ауданындағы «Бірлік» шағын ауданы, 31-үй мекенжайында орналасқан 72 пәтерлі секциялық көпқабатты тұрғын үйдің құрылысы. Ғимарат жертөлесі мен техникалық қабаты бар екі кіреберістен тұрады. Сыртқы қабырғалары кірпіштен, пәтераралық және бөлмеаралық қалқалары да кірпіштен қаланған. Ғимараттың қасбеті металл сайдингпен қапталған. Балкон қоршаулары жақсартылған сылақпен әрленіп, сырланған. Терезелері металл-пластиктен жасалған. Тұрғын үйдің маңында Оқушылар сарайы, Жастар саясаты орталығы, «Жастар» спорт сарайы, АХАТ ғимараты, Театр, «Жетісу» телерадио компаниясы және «Алтын бесік» балабақшасы орналасқан. Тұрғын үйдің 1 шаршы метрінің құны «таза әрлеумен» (дайын әрлеумен) – 284 000 теңге.