Тұрғын үйлер Мақаншы ауданы Бахты ауылының орталығы болатын, Ә. Найманбаев көшесінің бойында орналасқан. Нысан жеке шаруашылық жүргізуге арналған жер телімінде орналасқан, жер телімі толықтай қоршалған. Әр үй екі отбасыға арналған және барлық қажетті инженерлік жүйелермен қамтамасыз етілген. Үйдің жылыту жүйесі қатты отынмен (көмірмен) жұмыс істейді, пеш бөлек орналасқан. Ыстық сумен қамту үшін сужылытқыш (водонагреватель) орнатылған. Үйлердің ішкі жоспарлануы қолайлы: ас үй, қонақ бөлме, жатын бөлме(лер), санитарлық торап және дәліз қарастырылған. Терезелер пластиктен жасалған, жылуды үнемдеуге және дыбыс оқшаулауға мүмкіндік береді. Аулада шаруашылық құрылыстар орнатуға мүмкіндік бар. Аумақ абаттандырылып, кіреберіс жолдары мен жаяу жүргіншілер жолдары қарастырылған.