Көппәтерлі тұрғын үй Жаңасемей ауданы, Шүлбі кентінде орналасқан. Ғимарат 60 пәтерден тұрады, 5 қабатты және 4 кіреберісі бар. Үй ауласында автокөлікті тұраққа қоюға арналған арнайы алаң орнатылған, балалар ойнайтын алаң жасалған. Әр кіреберістің жанында екі орындықтан қойылған. Көппәтерлі тұрғын үй барлық қажетті инженерлік жүйелермен қамтамасыз етілген. Электр, су және жылу жүйесі орталықтандырылған. Пәтерлердің ішкі жоспарлануы қолайлы: ас үй, қонақ бөлме, жатын бөлме(лер), санитарлық торап және дәліз қарастырылған. Терезелер пластиктен жасалған, жылуды үнемдеуге және дыбыс оқшаулауға мүмкіндік береді. Үйге жаяу қашықтықта тұрғындардың жайлы өмір сүруін қамтамасыз ететін әлеуметтік нысандар орналасқан.