Нысан Түркістан облысы, Түркістан қаласының әкімшілік-іскерлік орталығында орналасқан коммерциялық үй-жайлары бар блокталған 9 қабатты №47 тұрғын үй ғимараты. Ғимаратта жертөле қабаты және балкондар қарастырылған. Эвакуациялық жолдардағы есіктер ғимараттан шығу бағытына қарай ашылады. Пәтерлер орналасқан қабаттарда апаттық шығу жолы ретінде хол қарастырылған. Бірінші қабатта кіреберіс тобы орналасқан, пәтерлер қарастырылмаған. Ғимараттың сыртқы қабырғалары жер деңгейінен «нөл» белгісіне дейін фиброцемент плиталарымен қапталған. Қабырғалар мен шатыр конструкцияларында жылу үнемдейтін материалдар қолданылған, шатыр желдетілетін және жылу оқшаулағышпен жабдықталған. Тұрғын үй-жайлар мен жалпы пайдалану орындарының қабырғалары гипс қоспасымен тегістеліп, су эмульсиялы бояумен боялған. Жуынатын бөлме қабырғалары керамикалық плиткамен қапталған. Тұрғын бөлмелердің едендері линолеуммен, ал баспалдақ алаңшаларының едендері керамикалық плиткамен жабылған. Төбелер гипс қоспасымен тегістеліп, су эмульсиялы бояумен екі қабат етіп сырланған.